سلطة، سريعة في التحضير و يمكن تحضريها لضيوفك في آخر لحظة

• • هادي سلطة، سريعة في التحضير و يمكن تحضريها لضيوفك في آخر لحظة، ما كتشدش الوقت
    و في نفس الوقت كتحمر الوجه و مبهّجة بألوانها هههه
    

    ندوزو بسم الله للمقادير

    كنحتاجو 1 مطيشة ، 1 فلفلة ، 2 جزر، 1 كاس صغير أرز، 1 علبة طون بالزيت، 1/2 علبة ذرة، 1/2 ياغورت طبيعي و فرماج أحمر
    (هادي درتها غير بحساب 2 أو 3 دناس، المقادير كتضاعفيهم على قياس ناسك)

  

  1. ديري الروز ديالك يتصلق في الماء مملح مع شوية زيت , ما يجي الروز يوجد حتى تكوني ساليتي يعني في واحد 10 دقايق تكون واجدة
• 2. تاخدي علبة بلاستيكية لحفظ الأغذية، كتحكي في القعر ديالها الفرماج الأحمر حتى يتغطى القعر كله (أنا استعملت مستطيلة و نتي لي عجبك)
  3. تقطعي مطيشة و الفلفلة مشلضين و ديري ليهم الملح و الإبزار و الخل و شوية زيت ( قشري الجزر بيدما يكونو تشربو التوابل ديالهم) ثم ضيفي هاد الفلفلة و مطيشة فوق الفرماج الأحمر على شكل طبقة تغطيه كله
  4. حكي الجزر في الحكاكه الغليظة في انتظار الروز يتصلق
  5. خودي الروز لي صلقتي، قطريه و ضيفي معاه الطون و الذرة و الياغورت و خلطي مزيان و ضيفي طبقة الثالثة فوق المطيشة بحيث ديري غير نصف الكمية ديال خليط الأرز.
  6. ضيفي طبقه الرابعه مكونه من الجزر المحكوك, احتفظي به على جنب
  7. الطبقة الخامسة هي النصف المتبقي من خليط الأرز و نسرحوه و نضغطو عليه شويه بالظهر ديال المعلقة
  و ها احنا سالينا....

Share this: